Explicación: este primeiro plano cósmico mira no máis fondo da nebulosa Alma. As escuras e ameazantes nubes de po perfiladas por cristas de gas brillante catalóganse coma IC 1871. Cuns 25 anos luz de diámetro, o campo de vista telescópico abarca só unha parte pequena das moito máis grandes nebulosas Corazón e Alma. A unha distancia estimada de 6.500 anos luz, o complexo de formación estelar atópase dentro do brazo espiral da Vía Láctea de Perseo, mirando nos ceos do planeta Terra cara a constelación Cassiopeia. As densas nubes de formación estelar de IC 1871, un exemplo de formación estelar desencadeada, son esculpidas elas mesmas polos potentes ventos e a radiación das estrelas novas e masivas da rexión. Esta imaxe en cor adopta unha paleta que se fixo popular nas imaxes do Hubble de rexións de formación estelar.