NGC 3132: a Nebulosa de Oito Estalos

Explicación: é a estrela feble, non a brillante, preto do centro de NGC 3132, a que creou esta estraña pero fermosa nebulosa planetaria. Alcumada como nebulosa dos Oito Estalos e nebulosa do Anel Meridional, o gas brillante creouse nas capas máis externas dunha estrela coma o noso Sol. Nesta imaxe en cores representativos, o estanque quente e azul de luz que semella arrodear o sistema binario está activado pola superficie quente da estrela feble. Aínda que fotografada para explorar estrañas simetrías, son as asimetrías as que axudan a facer esta nebulosa planetaria tan intrigante. Nin a estraña forma da envoltura máis fría que a arrodea nin a estrutura e localizacións dos corredores de po filamentarios que atravesan NGC 3132 se comprenden axeitadamente.