Únete á nosa canle de Whatsapp
Explicación: que é ese obxecto cambiante nun frío mar de hidrocarburos de Titán? As imaxes de radar da nave espacial automática Cassini que está a orbitar a Saturno estivo a gravar a superficie envolta en nubes da lúa Titán durante anos. Ao fotografar a superficie chaira, e por tanto escura ao radar, do lago de metano e etano chamado Ligeia Mare, apareceu un obxecto en 2013 que non estaba aí en 2007. As observacións seguintes atoparon que o obxecto perduraba; pero cambiara! A imaxe publicada amosa como o obxecto de 20 quilómetros de longo aparecía e evolucionaba. As explicacións actuais que especulan sobre a súa orixe inclúen escuma burbullante e sólidos flotando, pero non hai nada seguro. As observacións futuras poden ben resolver o enigma ou abrilo a máis especulacións.
