Meteoros sobre a montaña das Catro Mozas

Explicación: algunhas noites choven meteoros. No seu máximo durante as vindeiras dúas noites, agárdase que o po de asteroides chova sobre a Terra durante a chuvia de meteoros das xemínidas anual. Por desgraza, este ano as xemínidas máis febles serán máis difíciles de ollar polo brillo da Lúa chea “das noites longas”, que ocorrerá o mércores. Na fotografía, unha imaxe da chuvia de meteoros das perseidas deste ano de agosto, captando múltiples ronseis sobre a montaña das Catro Mozas na China central. O brillante cúmulo estelar aberto das Pléaides aparece cara a parte superior dereita, mentres se poden ollar numerosas nebulosas de emisión en vermello, moitas superpostas sobre a franxa diagonal da Vía Láctea.