Únete á nosa canle de Whatsapp
Explicación: os meteoros estiveron a seren disparados desde a constelación de Orión. Isto agardábase, xa que outubro é o momento do ano para a chuvia de meteoros das oriónidas. Na fotografía superior, máis ou menos unha ducia de meteoros foron captados en exposicións engadidas sucesivamente do fin de semana pasado sobre o volcán Wulan Hada na Mongolia Interior, China. A imaxe publicada amosa múltiples raias meteóricas que se poden conectar todas cunha única rexión pequena do ceo denominada o radiante, que aquí se pode ver xusto por riba e á esquerda do cinto de Orión. Os meteoros das oriónidas comezaron coma anacos do tamaño de areas expulsados desde o cometa Halley durante unha das súas excursións ao Sistema Solarinterior. O cometa Halley é realmente o responsable de dúas chuvias de meteoros coñecidas, a outra denominada como as eta acuáridas e visibles cada maio. O próximo mes, a chuvia de meteoros das leónidas procedentes do cometa Tempel-Tuttle tamén deberían resultar nalgunhas brillantes raias meteóricas.
Proxecto: Ceos Galegos 2018 – calendario astronómico
