M31 contra M33

Explicación: as galaxias espirais M31, á esquerda, e M33, afastadas por uns 14 graos (28 Lúas cheas) no ceo do planeta Terra, son ámbalas dúas membros do Grupo Local, xunto coa nosa propia galaxia Vía Láctea. Esta composición de multi-cámara de ángulo amplo e estreito atopa detalles na estrutura espiral en ambas, mentres as masivas galaxias da veciñanza parecen estar equilibradas nos campos estelares a cada lado da brillante Mirach, a estrela beta da constelación Andrómeda. Mirach está a xusto de 200 anos luz do Sol. Pero M31, a galaxia Andrómeda, realmente está a 2,5 millóns de anos luz de distancia e M33, a galaxia do Triángulo, tamén está a uns 3 millóns de anos. Aínda que semellan afastadas, M31 e M33 están engrenadas nunha loita gravitatoria. De feito, os radioastrónomos atoparon indicacións dunha ponte de gas hidróxeno neutro que podería conectar ás dúas, evidencia dun encontro achegado no pasado. As simulacións gravitatorias, baseadas nas medidas, predín actualmente que a Vía Láctea, M31, e M33 sufrirán mutuos encontros e potencialmente fusións, nun futuro de milleiros de millóns de anos.