M104: a galaxia Sombrero

M104: a galaxia Sombrero

M104: a galaxia Sombrero

Datos da imaxe: NASA, ESA , NAOJ, Giovanni Paglioli – Procesado: R. Colombari.

Explicación: a abraiante galaxia espiral M104 é famosa pola súa aparencia case de canto cun anel ancho de corredores de po escuro. Vista en silueta contra un gran vulto de estrelas, a franxa de po cósmico presta un aspecto parecido a un sombreiro de á ampla á galaxia suxerindo o seu alcume máis popular, a galaxia Sombrero (N.T.: en castelán no orixinal). Aquí, os datos do Telescopio Espacial Hubble e do telescopio terrestre Subaru reprocesáronse con datos de cor de afeccionados para crear unha imaxe definida da galaxia tan coñecida. O procesado resulta nunha aparencia en cor natural e preserva os detalles a miúdo perdidos no brillo cegador do vulto central de M104 cando se mira con instrumentos terrestres máis pequenos. A galaxia Sombrero, tamén coñecida coma NGC 4594, pode ollarse en todo o espectro e pénsase que alberga un burato negro supermasivo no centro. Cuns 50.000 anos luz de tamaño e a uns 28 millóns de anos luz de distancia, M104 é unha das galaxias máis grandes no límite meridional do Cúmulo Galáctico de Virgo.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.