M100: un gran deseño de galaxia espiral

Explicación: M100, maxestuosa nunha auténtica escala cósmica, é coñecida axeitadamente coma unha galaxia espiral de gran deseño. Trátase dunha gran galaxia cuns 100 mil millóns de estrelas con brazos espirais ben definidos que se parece a nosa propia galaxia Vía Láctea. M100 (alias NGC 4321), un dos membros máis brillantes do Cúmulo Virgo de galaxias, está a 56 millóns de anos luz de distancia cara a constelación da Cabeleira de Berenice (Coma Berenices). Esta imaxe do Telescopio Espacial Hubble de M100 fíxose en 2006 e desvela brillantes cúmulos de estrelas azuis e sinuosos corredores de po que son distintivos desta clase de galaxias. Os estudos de estrelas variables de M100 xogaron un importante papel para determinar o tamaño e idade do Universo. Se sabes onde mirar exactamente, podes atopar unha pequena mancha que é un eco de luz procedente dunha supernova brillante que se rexistrou uns poucos meses antes de que se tirase a imaxe.