Explicación: esta definida instantánea telescópica desvela galaxias espalladas máis alá das estrelas da Vía Láctea no límite setentrional da constelación de altos voos de Pegasus. Destaca na parte superior dereita NGC 7331. A só 50 millóns de anos luz de distancia, a gran espiral é unha das galaxias máis brillantes non incluídas no famoso catálogo do século XVIII de Charles Messier. O grupo galáctico de aparencia perturbada da parte inferior esquerda é o famoso quinteto de Stephan. A uns 300 millóns de anos luz de distancia, o quinteto ilustra dun xeito espectacular unha colisión galáctica múltiple. As súas poderosas interaccións , aínda en curso, posan para unha instantátes cósmica breve. No ceo, o quinteto e NGC 7331 están afastados por medio grao, aproximadamente.