Galaxia NGC-7714 trala colisión

Galaxia NGC 7714 trala colisión

Galaxia NGC-7714 trala colisión

Créditos de imaxe: NASA, ESA. Agradecementos: A. Gal-Yam (Weizmann Inst.).

Explicación: está esta galaxia a choutar a través dun anel xigante de estrelas? Non é probable. Aínda que a dinámica exacta por tras da imaxe publicada aínda non está clara, o que si é claro é que a galaxia fotografada, NGC 7714, foi estirada e perturbada por unha colisión recente cunha galaxia veciña. Esta veciña máis cativa, NGC 7715, localizada fóra e á esquerda do cadro que se amosa, pénsase que cargou directamente contra NGC 7714. As observacións indican que o anel dourado fotografado está composto de millóns de estrelas de tipo solar que están a moverse, probablemente, de xeito solidario coas estrelas máis azuis do interior. En contraste, o centro brillante de NGC 7714 parece estar baixo os efectos dun estoupido de formación de estrelas novas. NGC 7714 localízase a uns 100 millóns de anos luz de distancia na dirección da constelación dos Peixes (Pisces). As interaccións entre estas galaxias probablemente comezaron hai uns 150 millóns de anos e deberían continuar durante varios centos de millóns de anos máis, despois do que poida que resulte unha soa galaxia central.

APOD en retrospectiva: galaxias raras e interaccionando

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.