Créditos da imaxe: HiRISE, MRO, LPL (U. Arizona), NASA

Créditos da imaxe: HiRISE, MRO, LPL (U. Arizona), NASA

Fobos, a lúa condenada de Marte

Créditos da imaxe: HiRISE, MRO, LPL (U. Arizona), NASA

Créditos da imaxe: HiRISE, MRO, LPL (U. Arizona), NASA

Explicación: esta lúa está condenada. Marte, o planeta vermello que recibe o seu nome do deus romano da guerra, ten dúas pequenas lúas, Fobos e Deimos, uns nomes que derivan dos termos gregos para o Medo mailo Pánico. Estas lúas marcianas ben poderían seren asteroides capturados con orixe no cinto principal de asteroides entre Marte e Xúpiter ou quizais dalgún lugar aínda máis afastado do Sistema Solar. A lúa máis grande, Fobos, óllase de certo que é un obxecto asteroidal cheo de cráteres nesta espectacular imaxe en cor da automática Mars Reconnaissance Orbiter (Orbitador de Recoñecemento de Marte), rexistrada a unha resolución duns sete metros por píxel. Pero Fobos orbita tan preto de Marte, a uns 5.800 quilómetros por riba da superficie en comparación cos 400.000 quilómetros da nosa Lúa, que as forzas de marea gravitatoria están a turrar dela cara abaixo. Unha análise recente das longas cicatrices sinala que poden ser o resultado dun estiramento global provocado polas mareas; a forza diferencial que fai a gravidade de Marte nos lados diferentes de Fobos. Estas cicatrices poden ser entón unha fase temperá da desintegración de Fobos nun anel de refugallos ao redor de Marte.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.