Flash verde na saída da Lúa

Explicación: segue un solpor nun día despexado contra un horizonte afastado e poida que albisques un flash verde xusto cando o Sol desaparece, a luz solar refractada brevemente sobre unha longa liña de visión ao través das capas atmosféricas. Tamén se pode descubrir un flash verde no mencer. Aínda que localizar o lugar e intre exactos para mirar o Sol despuntar sobre o horizonte é un pouco máis difícil, e pode resultar complicado incluso capturar un relanzo verde procedente dunha Lúa saíndo aínda máis tenue. Pero as instantáneas ben planificadas gravaron o flash verde no bordo superior da Lúa Chea o 2 de xuño, desde o Observatorio Roque de los Muchachos na illa canaria de La Palma. Ollando un pouco ao sur rumbo leste, esta imaxe con gran teleobxectivo descobre á Lúa saíndo sobre as montañas e un mar de nubes. No perfil da luz solar están o cumio das cúpulas do telescopio do Observatorio do Teide na illa de Tenerife, a uns 143 quilómetros de distancia.