Explicación: que son eses raios vermellos do ceo? Ao fotografar auroras imprevistas sobre unha tormenta afastada, aconteceu algo extraordinario: espectros vermellos. Este caso breve de alustros a alta altitude raramente fotografados brillou tanto que o presenzaron varias persoas independentemente. Estes espectros vermellos, fotografados sobre Minnesota (EUA) en maio de 2013, probablemente seguiron a un lóstrego convencional a baixa altitude pero moi potente. No cadro presentado cáptase unha casa e un poste eléctrico no primeiro plano, nubes abundantes na baixa atmosfera, unha tormenta eléctrica no horizonte, espectros vermellos afastados, unha aurora verde na atmosfera superior e estrelas distantes da nosa veciñanza local da galaxia Vía Láctea. Pénsase que a espectacular imaxe é só o segundo caso coñecido de espectros e auroras fotografados xuntos, e posiblemente a primeira vez que se fai en cores reais.