Corona Australis

Estrelas e po en Corona Australis

Corona Australis

Créditos da imaxe e copyright: CHART32 Team, Procesado – Johannes Schedler.

Explicación: as nubes de po cósmico e as estrelas novas e enerxéticas poboan esta vista telescópica, a menos de 500 anos luz de distancia cara a fronteira setentrional de Corona Australis, a Coroa do Sur. As nubes de po bloquean a luz das estrelas do fondo distante da Vía Láctea con moita eficiencia. Pero o abraiante complexo de nebulosas de reflexión catalogadas coma NGC 6726, 6727 e IC 4812 produce unha cor azul característica xa que a luz das estrelas quentes e novas da rexión é reflectida polo po cósmico. O po tamén escurece a vista das estrelas que aínda se están a formar. Na esquerda, a nebulosa amarela e máis pequena NGC 6729 dóbrase ao redor da nova estrela variable R Coronae Australis. Xusto por baixo dela, hai arcos e bucles brillantes batidos polos fluxos procedentes das estrelas recén nadas incrustadas que se identifican coma obxectos Herbig-Haro objects. Este campo de visión abarca no ceo 1 grao aproximadamente. Iso correspóndese case a 9 anos luz á distancia que se lle estima á achegada rexión de formación estelar.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.