Venres 29 Marzo 2024

Divide o universo

Explicación: xusto agora, antes de premeres o botón, son posibles dous universos futuros. Aínda que tras premer o botón vivirás só nun. O feito de premer o botón vermello da imaxe do astronauta publicada, unha versión web real do famoso experimento do gato de Schrödinger, debería transformar esa imaxe noutra do mesmo astronauta sostendo un de dous gatos: un vivo ou un morto. O momento da túa pulsación, combinada co cableado do teu cerebro e o atraso de milisegundos do teu dispositivo, todos eles conspirarán xuntos para crear un resultado dominado, potencialmente, pola aleatoriedade da mecánica cuántica. Algúns pensan que a túa decisión cuántica iniciada persoalmente dividirá o universo en dous, e que ámbolos dous universos con gato vivo e con gato morto existen en partes afastadas dun multiverso máis grande. Outros coidan que o resultado da túa pulsación colapsará os dous universos posibles en un; de xeito que non podería ter sido predito de antemán, nin ao comezo. Aínda outros pensan que o universo é clasicamente determinista, polo que ao premer o botón realmente non divides o universo, só executaches unha acción predestinada desde o comezo do tempo. Porén, no APOD coidamos que independentemente do tonto que te poidas sentir ao premer o botón vermello e en calquera dos casos de se o gato virtual aparece morto ou vivo, deberías ter un feliz 1 de abril, día dos enganos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Científicos galegos afondarán na conformación do Universo nun experimento con neutrinos

O IGFAE participará no deseño dun detector que interceptará feixes destas partículas para intentar explicar a asimetría entre materia a antimateria

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa