Explicación: por suposto que non todas as rosas son vermellas, pero aínda así son fermosas. Ao mesmo tempo, a fermosa nebulosa Roseta e outras rexións de formación estelar son a miúdo amosadas en imaxes astronómicas cunha cor predominantemente vermella, en parte debido a que a emisión dominante da nebulosa procede dos átomos de hidróxeno. A liña de emisión óptica máis forte do hidróxeno, coñecida coma H-alfa, está na rexión vermella do espectro, pero a beleza dunha nebulosa de emisión non necesita ser aprezada só na luz vermella. Outros átomos da nebulosa tamén se excitan pola potente luz estelar e producen liñas de emisión estreitas. Nesta vista espectacular da nebulosa Roseta, combínanse imaxes de banda estreita para amosar a emisión dos átomos de xofre en vermello, hidróxeno en azul e osíxeno en verde. De feito, o esquema de cartografado destas liñas estreitas de emisión atómica en cores amplos é adoptada en moitas imaxes do Hubble para garderías estelares. A imaxe abarca uns 100 anos luz na constelación Monoceros, aos 3 000 anos luz de distancia estimada para a nebulosas Roseta. Para convertir á Roseta ao vermello, só tes que seguir esta ligazón ou esvarar o teu cursos sobre a imaxe.