Xoves 28 Marzo 2024

Aneis de diamantes e perlas de Baily

Aneis de diamantes e perlas de Baily
Créditos da imaxe e copyright: Wang, Letian.

Explicación: Preto do equinoccio do 20 de marzo, o ceo claro e frío sobre Longyearbyen (Noruega) ofreceu unha vista cativadora: unha eclipse total de Sol. Nesta composición time-lapse do evento xeocéntrico a silueta da Lúa nova en etapas xusto antes e despois da fase total de tres minutos de duración parece aflorar uns diamantes e unhas perlas resplandecentes. Os últimos e os primeiros indicios do disco solar co limbo lunar rodeado polo resplandor da coroa interior do Sol dan a impresión dun anel de diamantes no ceo. Nos límites da totalidade, a luz do Sol que entraba polos vales do terreo irregular que hai ao longo do bordo da Lúa produce un efecto coñecido como perlas de Baily, chamadas así polo astrónomo inglés Francis Baily, que en 1836 propuxo unha explicación do fenómeno. Esta nítida composición tamén mostra unha serie de protuberancias solares rosáceas que emerxen sobre o bordo do Sol eclipsado.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A Lúa non ten ceo

https://theconversation.com/javascripts/lib/content_tracker_hook.js *Un artigo de “E se estivésemos equivocados? E se a Terra...

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos