Créditos da imaxe: NASA, JPL-Caltech, UCLA, MPS/DLR/IDA/PS
Explicación: é o meirande asteroide do cinto de asteroides; que secretos ten? Para averigualo, a NASA enviou a sonda espacial automática Dawn para explorar e cartografar este mundo grande e críptico de 1.000 kilómetros: Ceres. Orbitando entre Marte e Xúpiter, Ceres está oficialmente categorizado coma un planeta anano pero nunca foi fotografado polo miúdo. Esta imaxe GIF de 20 fotogramas foi realizada hai unha semana durante o achegamento da Dawn, que xa rivaliza coas mellores fotografías de Ceres tomadas anteriormente polo Telescopio Espacial Hubble. O vídeo amosa con abonda definición superficial como para discernir o seu periodo de rotación de 9 horas. Co obxectivo de chegar a Ceres a comezos de marzo, a Dawn igualará a velocidade e tentará orbitar este corpo sen explorar previamente, tomando imaxes e datos que poida que axuden á humanidade a comprender mellor non só a natureza e a historia de Ceres, senón tamén a historia primixenia de todo o noso Sistema Solar.