Únete á nosa canle de Whatsapp
Explicación: por que Venus é tan diferente da Terra? Para axudar a averigualo, Xapón lanzou a nave espacial robótica Akatsuki que entrou en órbita ao redor de Venus a finais do ano pasado tras unha aventura de cinco anos non planificada polo interior do Sistema Solar. Aínda que a Akatsuki sobrepasou o seu tempo de vida inicial previsto, a nave mailos seus instrumentos está a operar tan ben que gran parte da súa misión orixinal foirestablecida. Na imaxe publicada tirada pola Akatsuki a finais do mes pasado, captouse a Venus en luz infravermella amosando unha cantidade de estrutura atmosférica na súa faciana nocturna abraiante. A franxa vertical e laranxa do terminador entre a noite e o día é tan ampla porque a luz se esparexe pola grosa atmosfera de Venus. A Akatsuki, tamén coñecida coma Orbitador Climático de Venus, ten cámaras e instrumentos queinvestigarán o que descoñecemos sobre o planeta, incluíndo se hai volcáns aínda activos, se hai lóstregos na densa atmosfera e por que a velocidade dos ventos excede enormemente a velocidade de rotación do planeta.
