Únete á nosa canle de Whatsapp
Explicación: para algúns, parécese a unha roda de carreta. De feito, pola súa aparencia oval externa, a presenza dunha galaxia central maila súas conexións que semellan unha roda, a galaxia da dereita é coñecida coma a galaxia Roda de Carreta. Porén, para outros, semella unha complicada interacción entre galaxias agardando unha explicación. Xunto coas dúas galaxias da esquerda, a Roda de Carreta é parte dun grupo de galaxias a uns 400 millóns de anos luz de distancia na constelación Sculptor. O gran bordo da galaxia abarca uns 100.000 anos luz e está formado por rexións de formación estelar cheas de estrelas moi brillantes e masivas. Na fotografía, a forma de anel da Roda da Carreta é o resultado da perturbación gravitacional provocada por unha galaxia máis pequena que atraveso a maior, comprimindo o gas e po interestelares e provocando unha vaga de formación estelar que se move coma unha onda ao través da superficie dunha poza.
