A estación espacial e a Lúa

Créditos da imaxe e copyright: Dylan O’Donnell

Créditos da imaxe e copyright: Dylan O’Donnell

Explicación: a Lúa chea do venres 31 de xullo, a segunda Lúa chea do mes, podería denominarse Lúa azul de acordo ao folclore moderno. Pero este mosaico definido e detallado, gravado con telescopio e cámara dixital xusto antes da primeira Lúa chea de xullo, realmente amosa unha superficie lunar chea de cor. As cores salientáronse na imaxe procesada;porén, son reais, correspondéndose con diferencias reais na composición química da superficie lunar. Tamén resulta sinxelo de ollar, especialmente cando a Lúa está preto da fase completa, os raios brillantes do cráter Tycho de 85 quilómetros de ancho, na parte superior dereita e que se estenden por toda a superficie lunar. Contra as terras altas lunares do sur e á dereita de Tycho está unha silueta con abraiante detalle da Estación Espacial Internacional. Ollada desde Byron Bay, Nova Gales do Sur (Australia) o 30 de xuño, o tránsito lunar da ISS durou aproximadamente 1/3 dun segundo, captado cun disparador rápido en modo refacho.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.