Explicación: ás veces, unha eclipse total é un bo intre para botarlle unha ollada ao Sol. Aproveitando a xustaposición pouco habitual de Terra, Lúa e Sol, a imaxe publicada representa unha eclipse solar total que aconteceu o mes pasado mentres sucedía, case simultaneamente, tanto desde a Terra como desde o espazo. A parte máis interior da imaxe amosa a eclipse total desde terra, coa pupila central creada polo Sol brillante cuberto por unha Lúa escura en comparación. Ao redor do disco solar bloqueado está a tenue coroa do Sol fotografada en luz branca, visible de xeito doado desde o chan só durante unha eclipse. Normalmente, a coroa é difícil de detectar lonxe do Sol, pero a montaxe publicada encaixa observacións en cores simuladas do Sol desde o Solar and Heliospheric Observatory (SOHO) que orbita o Sol no espazo, pertencente á NASA e á ESA. As observacións coma esta permiten o estudo da actividade magnética constantemente cambiante tanto preto coma lonxe do Sol, a mesma actividade que ultimamente provoca as auroras da Terra.